20131028 學紙咭(27M1W4D)

呢D 字咭係學校提供,俾家長同小朋友練習, 我地貼哂出來, 方便教妍妍.
妍妍一早起身就睇到,食完早餐就"YOUNG下YOUNG下"度門, 問佢邊個係咩.佢又指到既.
開始要TRAIN佢認字喇!

20131027 荔枝角公園(27M1W3D)

今日星期日早上返完教會, 妍妍返主日學, 自己一個上堂, 發覺爸爸媽媽唔響度, D人又好陌生,最後都哭要搵媽媽, 我就陪佢上堂,都唔肯玩要攬住我, 係畫畫時就有畫.(佢想入BB房玩.唔上堂.所以扭計)
我介紹小朋友俾佢識,小朋友叫小朋友易好多呀. 有個小朋友叫佢坐,佢就肯坐. 但一搭膊頭玩就哭.後尾出左課堂, 見到檯面有野食, 我就同佢講要上完堂先有得食架.
佢就願意入番課室喇.
唉...滴汗! 真係黐身! INTERVIEW 點算呢!

下午返完教會,爸爸話去荔枝角公園,都好呀, 我都未真正行過, 只係去過嶺南之風果邊, 原來好大好大架. 我地去左遊樂場果邊玩咋, 呢個遊樂場都唔錯呀. 有SWING, 妍妍鐘意!
有分三層!
新發現就係一出美孚西鐵站直上公園, 好方便呀! 以後可以改黎呢度, 因為中間道果個太多人了.

20131026 九龍公園半日遊(27M1W2D)

今日上午去完開放日, 下午回家食完LUNCH, 妍妍唔願訓覺,話要去公園, (識得講數添 ~.~)
咁我話去完公園要訓覺喇. 佢話OK.

爸爸下午要OT, 我就帶佢去九龍公園, 雖然咁近屋企, 但真係好少帶佢去行一次呀.其實好大好大, 一個下午都行唔完.

首先帶佢去泳池睇人游水, 然後上左中式花園度, 睇龜睇魚, 妍妍至愛執樹葉, 佢真係好LIKE, 去到邊都執 @.@ 今日真係慢慢行, 行到邊睇到邊.
仲去埋知探館, 認識香港歷史同睇話說公屋, 呢個館非常好, 免費開放, 有好多遊客入黎行, 裡面整得好靚好舒服! 響度都睇(玩)左好耐! 等到爸爸黎,就去埋遊樂場玩陣, 呢個遊樂場都幾好玩呀!下次再帶妍妍黎先! 妍妍近期愛攀爬! 見到欄杆就爬! @.@
玩到見佢坐埋一邊, 就知佢累喇.一出公園就訓著左!

20131026 救世軍陳昆棟幼稚園開放日(27M1W2D)

呢間係其中一間心儀既學校, 琦琦麻麻話老師校長好有愛心, 見小朋友讀得開心!

首先在戶外遊樂場玩左陣, 跟住有英文故事時間, Teacher Stephen講故事, 妍妍肯坐定, 後尾就要我抱, 聽故事都留心, 但就無跟老師做動作.

有老師同佢講野, 問佢叫咩名,佢又怕醜.唔答. 但叫佢握手.佢願意!

聽完故事, 在課室睇下檯面D書, 主要我睇下, 檯面有介紹小朋友上堂的PROFILE.

然後上一樓課室做手工, 做左頂帽仔! 妍妍識得張貼紙撕下來的廢紙掉落另一個放廢紙的TRAY度, 可能平時上堂都係咁樣.

做完手工就去上音樂堂呀, 唱世界真細小, 老師會俾埋樂器家長同小朋友, 我地係沙鎚組, 仲有響板同馬鈴, 按老師指示SHAKE.(原來小朋友係跟到架喎)

上完音樂堂就係尾聲,去PLAYGROUND 玩多一陣就走喇!

今次開放日都好開心呀! 希望面試果日妍妍有好表現啦!

20131022 5個叻叻豬獎去Disneyland(27M5D)

10月7日開始整左個叻叻豬獎勵計劃，乖就有叻叻豬,儲夠5個就可以去迪士尼喇!

(原本都約左22/10 同HAYDEN佢地去..HEHE)

呢個計劃都有效呀!

1. 食飯時

    妍妍食晚飯時會作反, 食哂D送又唔食白飯,叫佢食多啖都唔肯呀!

    我地有預備一個LOGO 係叫BAD GIRL, 會帶走叻叻豬呀!

    佢唔想BAD GIRL 帶走叻叻豬, 有時都會聽話!

2. 返學玩鞋仔

   呢排上堂老師話佢會脫鞋仔玩, 又自己著返.

   經過多次同佢講+唔玩有叻叻豬獎勵, 14/10 果個星期開始老師話佢玩少左喇.

   同埋開始意識到.玩鞋仔唔岩. 雙手要放響KNEE

3. 收拾玩具

    唔收玩具, 我地會話響地下既會掉左佢(佢一歲時畫WALL, 我地試過響佢面前掉, 佢應該有印象)

    呢排收玩具都叻左好多喇..乖又會有叻叻豬獎!

嘩.終於有5個叻叻豬喇

今日去無咩人呀. 首先睇巡遊, 跟住就去小小世界, WINNIE THE POOH, 旋轉木馬, MYSTIC PT, MICKEY 3D SHOW, 6點半就去坐低等睇煙花, 食下野, 時間好快過, 以為7:30PM 開始(無睇時間表), 原來8PM, 好在唔係9PM @.@
睇完就回家喇. 今次我自己帶去,妍妍臨尾眼訓扭抱, 在MTR 喊到7彩, 都無辦法! 她堅持左好耐, 係臨返到屋企先訓左!

黑白配.哈

20131020 蘇姑娘講道+探BB(27M3D)

今日好充實,一早起身入屯門去教會聽蘇姑娘講道, 完左崇拜.

去左間叫"泰好味" 食LUNCH, 好耐之前食過OK.OPENRICE COMMENTS 都唔錯.

但今日食LUNCH..超差.勁失望....下次唔會再喇!

食完去V CITY 行左陣, 就搭輕鐵去探BB喇.

妍妍呢個時候就訓左(今日無帶BB車,抱住佢超重呀!)

BB女好CUTE,似媽媽一樣咁靚女呀!

探完BB, 我去做FACIAL, 老公在阿媽屋企睇住妍妍,

返到來,老公謝哂,又話阿女跌親@.@

等埋我爸爸返來就一齊落去食飯.

食完回到家,發現我個索袋仔唔見左,頭先帶左落街呀! 弊.張八達通信用卡響裡面.

阿爸就即刻落街去番頭先間茶餐廳同我搵下.無呀... ~.~

回家再搵 (我印象中係無拿到回家) ...即刻打去CARD CTR 報失!

搵唔到, 離開搭車前再行番原路睇多次!都無....~.~"

20131019喬喬姐姐屋企(27M2D)

今日去喬喬姐姐屋企玩呀! 有好多玩具, 妍妍玩得好開心! 

成日玩口水.出街又要帶一樣玩具 @.@

20131018 中間道公園遊樂場(27M1D)

今晚見時間早,煮個面食完就帶妍妍去中間道公園遊樂場玩, 因呢度有妍妍最愛既SWING!

呢個公園越來越多印度/中東小朋友,佔了9成@.@

屋企附近果邊又多南亞 @.@

OH....

最近的新玩法

最鐘意爬上去

由YAHOO BLOG 搬到GOOGLE BLOGSPOT 教學

今日終於正式要跟Yahoo Blog 講Bye Bye~

記得係舊址啟用埋Redirect 功能.
http://download.blog.yahoo.com/submit

今次搬家果然係大工程......(因為d圖片問題.....)
暫時覺得這個資料係最詳細(圖文教學), 希望可以幫得上大家。

http://seeddauding.blogspot.hk/2013/09/from-yahoo-to-blogspot.html

基本上照做就可以clone 哂過去新屋.

其實最難就係改XML FILE裡面的 Images Path

因為要在XML FILE改返指向舊位置(blog.yming.com) 的圖片

所以要用人手改返新的位置。 (當然係用program........replace)

其實難度要看看舊圖Path的組合才知道:

eg.

如果條path係   img src="../images/xxxxxxxxx01.jpg"  (咁緊係無難度.....)

但係如果係這種就有點難度

src="http://blog.yimg.com/3/xxxyyyzzz--/10/l/xxxxxxxxx01.jpg

src="http://blog.yimg.com/3/xxxyyyzzz--/11/l/xxxxxxxxx02.jpg

src="http://blog.yimg.com/3/xxxyyyzzz--/12/l/xxxxxxxxx03.jpg

可以用Editplus 做Replace
Replace "http://blog.yimg.com/3/xxxyyyzzz--/.././" with googledrive的Path

(將 '12/l' 轉成 '../.' 這個　'.' 點不等於full stop 而係[萬用字]即是any character) 

這樣便可一次過將舊位置

src="http://blog.yimg.com/3/xxxyyyzzz--/10/l/xxxxxxxxx01.jpg"

src="http://blog.yimg.com/3/xxxyyyzzz--/11/l/xxxxxxxxx02.jpg"

src="http://blog.yimg.com/3/xxxyyyzzz--/12/l/xxxxxxxxx03.jpg"

轉成新位置

src="https://googledrive.com/host/xxxxxxxx/xxxxxxxxx01.jpg"

src="https://googledrive.com/host/xxxxxxxx/xxxxxxxxx02.jpg"

src="https://googledrive.com/host/xxxxxxxx/xxxxxxxxx03.jpg"

之後Import Xml 就收工~(完)................