妍妍第一次睇戲-怪獸大學(24M1W5D)

妍妍的第一次.約埋PUN叔叔.DORIS EE一齊去睇戲呀.
妍妍好LIKE DORIS EE喎.主動同佢玩同講野. (好少有)
PUN叔叔都OK喎...妍妍咁NICE既..

因ELEMENTS 燈有D問題...D消防燈睇戲時著左.無咁黑.對妍妍來說可能好D..嘻..

全場戲妍妍都算乖呀...有戴眼鏡..中途食下餅..又話要食爆谷.食左少少...食蛋蛋...不停食...
見到毛毛出場..講"毛毛"
我地又戴埋婆婆送的大眼仔毛公仔俾佢攬住..
係臨尾有DD 郁..叫下你咁...要抱下...
睇完..仲識話睇完...
HEHE...

20130728屯門西北游泳池游水(24M1W4D)

今天難得好天.早上返完教會.下午去戲院買完飛.就入屯門婆婆屋企樓下個泳池游水LU.
妍妍好開心...佢好鐘意玩水呀.

游到6PM.入去換衫.出來就落大雨喇....
即刻CALL 婆婆落黎接我地.
(樓下有個泳池真係方便呀...去沙灘就要拿好多野.返來又要洗好多野...泳池就方便好多簡單好多..游完就上去婆婆屋企沖涼)

恩妍2歲聚(24M1W3D)

今天晚上邀請左恩恩姐姐(早一小時多出世) 上來我們家聚一聚，兩個女孩言語行為都好似呀，恩恩就好主動回答，妍妍就觀察下先!
兩個都成日爭玩具玩喎...哈哈.

今晚好開心呀! 

20130719 happy gathering(24M2D)

Vanes EE 就來生喇. 大家聚聚傾下.小朋友玩下. 
謝謝EE 買來的蛋糕. 

一早起身食早餐(第一次)(24M3D)

咁耐以來，都未試過一早起身一齊佳定定食早餐呀!
遲D妍妍返學,就會好多時間都係咁LU..

Yin Yin Happy 2 ^C^

17/7/13(三)
妍妍兩歲生日喇。去邊度玩呀?
我地去左Mickey Mouse 屋企 - Disneyland 呀!

感謝主! 賜妍妍有美好天氣，縱然下午落大雨，早上仍有美好天氣，拍下美好的照片。

一早起身食完早餐,就搭車入迪士尼，雖然呢幾天天氣不穩，亦不減眾人去迪士尼的興致，仍有好多人入場。
妍妍生日，可取生日襟章呀，不過佢唔肯戴。

我地先去同卡通人物影相，妍妍見到佢地好開心呀，POOH 去休息走左，之後佢成日講"POOH POOH走左"
影完相就去睇GOLDEN MICKEY...睇睇下妍妍訓左LU....睇完換片, 就醒左(訓左十幾分鐘)
換完片妍妍食LUNCH...
食完去睇POOH POOH ( 拿左FAST PASS)
然後入迪士尼酒店的華特餐廳食HIGH TEA...Waiter & Waitress都好好, 送左貼紙.襟章俾妍妍,又好細心咁預備餐具等，又俾左畫紙同畫筆妍妍填色。
食完就去SHOP SHOPPING...
食完HIGH TEA買完野,就入返迪迪尼繼續玩，開始落大雨喇. 我地去睇獅子王，落雨關係,都好多人排隊等睇同避下雨呀。
妍妍好型,戴住黑超睇(射燈太刺眼).
睇完就去睇MU 同毛毛.大眼仔影相喇. (少人好多)
影完就去坐火車...妍妍好定咁坐響度睇風景!
坐完火車就埋DONALD DUCK 3D FILM.(妍妍呢個又唔肯戴眼鏡喎)
睇完食野LU...
食完野都8點幾..準備放煙花,路過TEA CUP好少人..我地仲玩埋添..
玩完呢個就走喇...今次玩到好夜.好盡興呀!
(幾天的密集活動....超攰)

18/7/13(四)
同爺爺佢地食完飯, 回家食蛋糕，妍妍最愛吹蠟燭

20130714信信HAPPY 1(23M3W6D)

今天返完教會(今天也是教會的21週年)，就入迪迪尼參加信信BB 的一歲生日，好開心呀。
信信B 同妍妍都係同一TYPE..BB時無咩笑，又好專注一樣野，唔知大左係咪呢。

MIU ,JASON 邀請了我們成為佢地既貴賓，真係好開心呀!

妍妍好開心，見到MICKEY MOUSE,PLUTO,DAISY,GOOFY. 佢又驚又喜的樣子，真係好攪笑.
又想同佢地玩, 但又有少少怕醜...

翠樂庭 LUNCH BUFFET都好多款美食，味道都唔錯呀!
真係好忙, 又要食野.又要同公仔影相... 

參加完PARTY.我地就入迪迪尼玩喇...
本來打算星期三妍妍生日先去.既然今天都順道入來，咁可以分開兩個下午玩。

20130713 榕樹澳漁排釣魚BBQ(23M3W5D)

5月因落雨,延期至今天的教會活動終於都去得成.
感謝天父賜好天氣.讓我們這班老中青幼都玩得咁開心呀! 

1點半在教會出發，然後乘旅遊巴去，去到先玩一些簡單的介紹遊戲，然後各自活動，有的釣魚，有的談天，而我們這班有小朋友的，就同小朋友玩下，影下相，妍妍都好開心呀，見到大她2星期的沚妍姐姐。信信都從新加坡回來，一齊玩。

我仲買左個唔怕溶既生日蛋糕，大家一齊切下，開心一番! 

而家叫妍妍扮醜樣，佢會整個醜樣俾你睇架..哈哈...
為食妹..不停食、食、食......

件衫一樣架.係咪好靚呢...
(不過小朋友郁來郁去，個效果就差少少啦..HEHE)
媽媽們都忙著要睇住佢地...

星期日入場換銀咭

在網上搵資料，睇下邊度有平既迪士尼票，搵到一間叫HOLIDAY WORLD，在FORUM 有人介紹，在網上都好易找到。

本來6月在康泰見到$380，點知7月11日想買時再CHECK，加左價，變左$427。

咁就改去HOLIDAY WORLD買飛,賣緊$390 (成人)。

星期日入場，先去TICKET COUNTER CHECK下要補幾錢，呢張飛係值$450，我買銀咭，補$400就可以。咁又幾好。

(朋友話有些飛只值$400)

變相慳左$60/張 

拿住日票，入左場之後就去奇妙處處通辦手續，填一些資料，手續都好簡單呀!

因為轉左銀咭就唔可以離場(今天唔係特選週末日)，工作人員都會問你今天會唔會離埸再入黎。

20130703 妍妍發夢(23M2W2D)

妍妍今早約5點，起左身講"好多人游水". 
爸爸仲話佢有講" 叫呢個".

妍妍發夢呀... 
發夢都掛住游水...

今早同佢度高磅重.
無度一排..已經90CM高.
重都重左好多...有31LBS了.
大得真係快喇 

妍妍最近真係長大左.
我地講既野已經識聽...
好似話"叫妍妍俾一個你啦" , 佢就俾左喇....
又會話"畫花左" "邊個畫" "妍妍畫花左"
話去SUPERMARKET ..就會講"買APPLE"

今早我唱歌..."星期天" 
佢就唱"早D起" (識得接落去喎)
(之前佢未唱過架)

20130630 長洲遊(23M1W6D)

今天本來去尖咀某餐廳食,點知FULL哂.
咁爸爸就話明天落雨，不如改今天去離島，GOOD IDEA.
咁我就揀左去長洲喇.
我地搭 2:40PM 快船 ($35.8) ..入到去大約3:20PM...
妍妍上船無耐就訓左覺喇.
落左船，我地就先向右行，今天真係好熱呢 
行到咁上行，妍妍都醒了，就話要食餅 
小朋友都離不開食,玩,訓...哈..

佢醒左,我地就行去沙灘喇. 沿途買左大魚蛋食...(唔係甘永泰..太多人了)

沙灘滿哂人.我地行到最入..本來打算去觀音灘..D蚊已經打緊妍妍主意喇.
我地就即走, 妍妍都俾蚊咬左兩啖...OH...

今次即興,我地只係舖D野響地下坐. 俾左兩個剛剛飲完野既樽妍妍玩..
佢已經玩得好開心喇...
玩玩下..仲在灘邊訓低等浪黎添...  佢真係好大膽...
玩到7點就同佢換衫走人喇.

我地揀左一間叫"到此一遊" 食...叫左一個冬蔭公湯底既豬頸肉金邊粉同埋一個ABC 湯牛肉螺絲粉.呢個好岩妍妍食..
長洲食野都幾抵...一個餐都是$36
食完就搭船返去..但個碼頭好似淪陷左咁..勁多人..好似走難呀!
最後老公話都排到亂哂喇.
我地坐左8:30PM 果班慢船, 豪華位($28.7)
好耐都未坐過呢D船喇...細個果時...入去梅窩探婆婆時就會坐....
想當年豪華位D冷氣超凍, 坐船食香噴噴既餐旦面...正呀!

我地帶妍妍出左去外面...嘩...滿天星星呀...妍妍都係第一次睇真既星星呀...
唔知佢明唔明呢...HEHE..
去到中環再轉船去尖咀..經過海運..就上去睇埋龍貓..但裡面關門了.只影左巴士站場景(都要排一陣)
今天行程真豐富!

20130701(23M2W)

今天訓到10點.(我就訓到9點)..食完早餐就出發去海運了.
一早都好多人排隊.
去到前前後後都要排45MINS 左右啦...

下午就回家休息... 
爸爸就訓覺.
妍妍唔訓.我就陪佢玩.睇LEAP FROG...