20130526 朗朗哥哥HAPPY 4(22M1W2D)

今天朗朗哥哥開生日會
謝謝HODY EE 邀請呀! 

HODY EE 租左個波波池同彈床俾小朋友玩，大家都玩得好開心呀!

小朋友仲難得來一張合照添!

20130523 剪頭髮(22M6D)

妍妍出世以來都未曾剪過頭髮，係早一兩個月奶奶幫佢剪過前音。
呢排實在太熱，髮尾蓋住妍妍條頸仔，生哂汗疹，爸爸唔忍心就叫我幫妍妍剪左佢喇。

我一直等妍妍耳仔邊的頭髮長D先剪，而家差唔多喇，可以剪LU.
真係有D唔捨得，因為本來想幫佢留長，點知佢唔鐘意札辮。

拿起剪刀，剪齊後邊就攪掂!
妍妍睇住DVD , 已經唔理我了.

係咪成個DORA 咁呢? 

20130519 齊齊去打水痘針

今天同希希，HAYDEN 約埋一齊去打水痘針。
三個都有喊 

妍妍入到去見到醫生，都未知咩事，就拮左一針，即喊，兩行眼淚添，醫生即刻俾粒糖佢 (第一次食糖)，紓緩下佢既情緒。

佢就指住個口，佢第一次食，唔知係咩...哈哈..總次就好味道啦,

未打針前，去左SNOOPY TOWN 玩，由於太熱，氣溫有30度，少左好多人黎玩。 排船仔唔係排左好耐就玩得喇.
妍妍經過商場望到，記得玩船，記性咁好既.

望住妍妍，又大左同女仔左喇

打完針， 回家途中訓左，一訓訓左2.5小時! 難得!

最近太熱，妍妍頸又出哂疹喇!  未到真正SUMMER咋喎..點算好??

20130517 妍妍22個月大 ^^

今天訓到8點幾9點左右，就起身喇. 
出門前都落雨，所以就著水鞋同雨衣喇. 妍妍好興奮，仲識得走去踏水氹添。
無落雨時，著住件雨衣，唔肯除。 (果時開始熱喇喎  )

去永誠食完早餐，就行去尖咀海運睇DUCK，大DUCK 入左廠，我地今次主要影細DUCK.
早D去少人D嘛 ..HEHE...

抱住13KG 的妍妍，真的好累，佢又唔肯自己行。.

先經過海運個展館，拿了張籌 12:10PM先入得..
時間差唔多,我地先去戶外影細DUCK，見有時間，仲遊埋船河，搭船去中環碼頭，逗留20分鐘，就搭番船番去尖咀碼頭喇。

原來中環碼頭開左個海事博物館，仲發現原來明天後天是博物館日，可惜兩日都唔得閒，等下年吧!

幾快就過左個上午，回家食完野，就換泳衣去九龍公園泳池游水!  節目真係豐富...HEHE.

今次係妍妍第一次去九龍公園泳池游水呀!

收費 成人$19 , 3歲以下免費

妍妍玩得好開心，仲成日都要上中間圓形的地方，上去，又落水，佢好大膽，跳落水，試過後，感覺麻麻，就坐低落水喇...
最後我地玩到5PM先走人，離開時妍妍食完餅就無電訓左喇...哈哈.

20120514 M記MY ANGEL PARTY

今晚帶妍妍參加萍萍姐姐既X歲生日派對。(謝謝JOAN 姐姐的邀請)
妍妍好定喎，又肯戴帽，又肯戴眼鏡。
仲好乖咁自己"筆"粟米食添。

聽到我地傾計講麥當奴，佢又跟住講  呢樣就唔好咁快識喇...

同場仲有個妹妹，同妍妍玩左一陣。

有得食，有得玩，好開心的一晚

20130513 好消息

好消息! 好消息!

收到迦南打黎，話上午班有位俾妍妍喇! 

咁就可以帶佢返學， 睇下就唔就到時間，仲可以接佢放學添!


8月份就要讀預備班，仲有兩個月就進入另一個階段喇! 
好期待呢!

20130511 黃金海岸沙灘

氣溫: 27度
天氣: 陰天，臨走時下雨

今天是星期六，下午放工後，回家整理下D野 (執野去沙灘，餵妍妍食飯)，爸媽食完飯，就搭小巴入黃金海岸喇。
先去M記買個餐去沙灘食，到沙灘，人都不算多，呢排D天氣都係麻麻地，戶外地方會少人D既。

妍妍自己坐定定玩沙，我地食完野，就帶佢上水邊"筆"水，今次帶左個摺疊水桶，好方便呀!

玩到5點左右，見天氣都唔係太好，離開沙灘前已開始下雨了。

大隻妍，又幾好肉喎...哈哈...

20130512 第2個母親節

今天返完教會，約左S FAMILY 去景逸軒飲茶。
飲完茶，有姐姐來清潔，妍妍訓左陣。
姐姐走左後，輪到爸爸休息下，媽媽就繼續做家務，妍妍自己玩，咁就出事喇。

妍妍入左房畫花牆，跟住俾我鬧佢一大餐，又關房間，等佢知道錯。

就係咁，成為左我既母親節禮物 

妍妍既視野越來越大，開始要教佢 LU!

激氣完，去左寶寶雞煲食! 爸爸請 ! 哈哈!

辛苦

最近覺得好辛苦.
湊女---真係好多說不出來的累.但我必要用全心全力照顧她.
家務---確繁瑣.做不完的感覺.卻不能不做.
老公---.有時真是會忽略他.盼望他明白做了媽媽的我.面對以上兩樣已耗盡心力了.
更盼望他能體諒我.甘苦與共.
謝謝.

20130504妍妍覆診

星期六返法國醫院覆診，原來小朋友真係好記性，她一到醫院就認得，仲說"睇魚"，真係嚇一跳，證明妍妍成長了，最近真係覺得佢大個女左好多。
一來，體重越來越重，有點就快抱唔到佢既感覺。
二來，一識講野後，好多要求，"睇GUGU" "落地" "出去" "睇故事" "聽歌歌" 等等。
三來，當你說"媽媽嬲" ，佢會即刻攬住你，然後錫你一啖" 
四來，有要求自然會扭計左，會自我左，無以前咁易話為喇。
五來，食飯開始會揀哂D送食先，食食下又會作下反咁@.@

講番覆診，胡醫生話妍妍已經好返好多喇喎，痰都有但唔多，食埋出院開既藥就可以，唔駛再拿藥。
呢個醫生按需要俾藥，又幾好喎。
又送左貼紙俾妍妍，問妍妍邊個送俾佢，佢話"姑娘" 哈哈..其實係醫生俾佢，仲未分到 ..~.~"

覆到診，就順便搭1A 去尖沙咀碼頭睇鴨喇，實在太多人，無法迫到入去睇，惟有下次再來啦。

20130427妍妍入左法國醫院(21M2W)

26/4/13 (FRI)
妍妍 26/4 晚開始氣促，好病，又唔玩，猛叫媽咪同哭，那晚我還要上課，回家後看見妍妍這樣子，還嘔了很多痰出來，就不得不去醫院了。
那時約晚上11點，我同老公執少少野就搭的士去法國醫院了。
姑娘見她氣促，就給她聞氣，但妍妍唔知咩事，無端端有人將個罩套響佢度，佢就猛然反抗，最後在急症室都聞唔到氣。

27/4/13 (SAT)
等了不足一小時，醫生來看妍妍，就她是支氣管炎，要入院。真的沒想到還想留院添。但她的情況，真的有這個需要。
我就留響醫院陪她，2小時要聞一次氣，妍妍好累，但又好驚咁。初期聞氣有爭扎，試過後原來係安全的，又舒服左，她就無抗拒了。
我就無咩睡過，只有6點-8點那轉睡得較舒服。

早上醫生來到，說妍妍好多痰，不得不照X-RAY(本來唔想佢照)。下午醫生來，說妍妍肺有少少花，有輕微肺炎，要食抗生素，需留院至星期二(30/4)。
要住咁多天.OH!!

早上有姑娘幫妍妍沖涼呀.

老公今早都請左假，因為昨晚太夜，他都無咩睡，今早打俾他，沒聽電話@.@ (咁好訓)
爸爸都辛苦，無左媽媽幫手，要自己執哂我地兩個D野到醫院，又要煮野俾阿女食。

約12點幾，我就餵妍妍食奶，似乎她好累，餵完就訓到2小時。奶奶都黎左探妍妍。

婆婆也於3點多來到，EE就5點多來到.

有咁多人在，妍妍好似好HAPPY. 因為要吊鹽水，只可帶她出走廊行一陣，睇睇D 公仔，等佢無咁悶，爸爸都帶左D玩具俾妍妍玩。

有咁多人在，我就要去沖涼喇。

下午醫生巡完房.話可以唔駛吊鹽水喇...非常好呀..(妍妍成日郁來郁去.有時會見到有D血滲左落條喉度)
說妍妍中左3隻病毒.引發支氣管炎. 而家D菌真係好勁.

6點多就吃晚飯，但唔夠飽，上左9/F CANTEEN SHARE一個餐.HEHE

今晚半夜都要聞氣.但妍妍好好訓.訓住聞.

28/4/13(SUN)
妍妍訓到8點多先起身,而我就在佢未起身前,就要拿拿聲梳洗，7AM就起身了.
她起身後,就餵奶.同佢玩一陣.一齊食面包.
早上聞完氣..約10點多就會有姑娘幫小朋友沖涼.
8點半.12點.4點左右聞氣.
醫生就9點多.4點巡房.
中午妍妍會食住奶訓.奶奶老公黎左,買左譚仔外賣.我食完.妍妍醒左.
有姑姑同佢玩.我就返屋企.主要係洗頭.沖涼.執下D信件.時間過得好快.
何先生2PM時又來睇妍妍一陣,他一來妍妍就醒了.

3PM在醫院搭車. 5PM就由家走.但唔係做左好多野咋喎.
返到醫院.就上CANTEEN食飯呀.

29/4/13(MON)
時間過得真快.唔覺唔覺就第四天了.
昨晚來了個BB.他時常哭叫.令我訓得唔好.
妍妍就好好訓 @.@
8時多妍妍醒了.要聞氣食藥.同佢玩下貼紙.上YT睇PINGU. D 數據用得好快呀! @.@
早上姑娘會問有無小朋友要沖涼的..今天姑娘漏左問妍妍.10點幾我就問番姑娘..呢個姑娘好細心同妍妍沖涼呀..

早上醫生來,說妍妍可以唔駛聞氣了.

中午食飯時間.洪姑娘來左探妍妍呀. 真驚喜呀.傾左幾句.一齊祈禱後就離去.

下午約3PM媽咪出來. 妍妍訓左.我就可以沖下涼.
等妍妍醒左就同佢玩.

老公放工就過來一齊.等埋爸爸.上9樓食飯呀.
晚上老爺奶奶又來睇下妍妍.
一到夜晚.妍妍在床上好興奮咁.在床都可以玩一餐.
媽媽就慘.好眼訓都唔訓得.要等佢玩到累先..
今晚她算早訓...11點幾時.玩蓋被.訓響度就訓左...真係感謝神呀! 我有覺好訓喇.
幸好她一訓就訓到第二朝.
今晚又唔駛聞氣..

30/4/13(TUE)
今天係出院的大日子.可以回家了.
早上起身.同妍妍食面包.妳餵我我餵妳真HAPPY呀.
食完就同妍妍到地下行下...睇下魚....上返去睇公仔..入房玩下睇下書砌下PUZZLE咁.
仲有睇下手機既STORY.妍妍而家好醒..識得自己開個APP睇喇... @.@

醫生話妍妍好好喇.可以如期出院了.仲話會落大雨,叫我地快D走添..HEHE
呢個醫生(法國醫院的胡振斌醫生)其實唔錯.好NICE.又會逗下妍妍玩.又有問必答.
日後應該會繼續睇佢呀.

由醫生話出得院...等到11點幾都未得的時候, 妍妍又話食奶奶.(應該眼訓).就餵佢.就訓左了.
12點幾可以交錢.我就落去交錢.
媽咪話肚餓,落去買左三文治SHARE.
食左少少野.就唔駛趕住出院喇.
等妍妍訓醒先啦..

大約2PM我地就離開醫院.臨走前.妍妍還記得"睇魚" (咁好記性)

回到家.我地就叫外賣.妍妍也扭計,因為佢都肚餓了.就烚左隻蛋俾佢食.

見到精神活潑的妍妍.真係好喇. 她病的時候真係好心痛.

晚上還聞歌起舞添.