咖啡灣(9M5D)

今個星期都是陰天, 難得星期日是睛天呀! HODY 就約埋我同MANDY 去沙灘玩喇.

本來去黃金海岸, 因為超多人, BEN就建議去咖啡灣, 都是同一個灘來, 不過就少好多人呀!

我地3點9 到達, 玩下沙, 雖然HAYDEN 同妍妍仲未識玩,哈哈!

我地仲帶左提子, 香蕉去食添, 真係健康, 仲有益力多..

玩到5點幾就走喇.

下次來要BBQ呀! (好耐無B過)

HODY EE 影架. 影到妍妍笑既樣..GOOD ^^

一家三口 ^^

大合照(HODY EE負責影)

識叫媽媽了(9M3D)

半夜妍妍又醒了 @.@ 第二次

今次喊著叫媽媽, 還叫了兩聲添

今次係喊著叫, 希望下次係開心咁叫啦

母乳餵哺的第9個月

妍妍已9個月大, 也是我成功母乳餵哺9個月了!

由妍妍轉固體食物開始，乳腺都塞過幾次了。

 

第一次在新年前後，因為有時出了街，時間亂了，我又谷奶，未能即時擠出或埋身餵，以至有硬塊出現，感到痛楚，狂推也擠不出，擔心會惡化去睇醫生。

 

3月底，最近減少了PUMP奶的次數，但早上起來未餵哺的一邊又非常谷，當我11點去PUMP奶時，已經好硬。又有時奶奶好晏先餵妍妍食粥，我放工回家妍妍還未肚餓，在好谷的情況下餵少了一次。又因去探朋友，預算不到時間又無理會，加加埋埋就出事了。今次更痛，也令奶量少左好多。除了睇醫生，也致電母乳熱線姑娘，她教我敷冰敷椰菜，睡前也敷冰，讓第二朝起床時唔好谷奶。

姑娘也叫我翌日返健康院，健康院姑娘教我食完的一邊就不要PUMP奶了，只PUMP未食的一邊。谷奶的一邊每次先食，然後可食埋另一邊(原來BB大了，不用跟初生的一套-每餐食一邊同PUMP完左邊PUMP右邊來回2次)。平時都係敷冰唔好谷奶，谷奶就讓BB埋身食，最幫到我都是BB埋身食。經過幾天後，確實通番好多，乳房鬆了，但感到BB好用力才食到，可能奶量少了(未出事前是最多奶的一邊 :/ )。不知會唔會可以回復以前的呢？只怪自己不好好去處理啦！日後真係要小心小心。免得谷奶令乳腺又塞呀！早幾天飲了木瓜湯，唔知係咪乳腺未好返，又痛番呀 >.<

 

這9個月餵哺母乳的日子，回頭想真的不易過，由初時每天餵哺十多次至今每天餵哺四至五次，每次花上我很多的時間及痛楚，但是值得的，換來的是囡囡的健康嘛！這是媽媽能夠從我自己身上所送給妳的禮物呀，感覺也是我一生中最大的成就。

下水禮 ^_^ @ 黃金海岸

9/4/12 約埋KIT MAN, HODY, AGNES 同埋佢地既小朋友一齊去黃金海岸.

今個EASTER 天氣不穩定, 半夜還下了場大雨, 幸好起床見到無落雨就照出來啦.
先去香辣屋食野, 食完齊齊落沙灘玩, 仲有陽光好熱. 感謝神, 讓這個假期俾我地有一天的好陽光呀!

喬喬開頭好驚沙灘同沙, 慢慢就愛上了.哈哈.

朗朗同莎莎就玩得好開心.

心心都幾膽大, 第一次玩水一D都唔驚.

妍妍就驚驚呀. 玩左陣.影左相. 唔知係咪熱, 竟然好眼訓, 訓左.

我地玩到4PM就沖身走人喇.

大家都玩得好開心. 話暑假要再來呀! YEAH!!

妍妍( 8M2W5D - 8M3W4D)

2/4/12 8M2W2D  妍妍扶住牆企起身; 時常用手指挖鼻孔 ( 少食左手指)

6/4/12 8M2W5D  妍妍識得拜拜 (手指開合) ; 用手指拾起地上的頭髮

9/4/12 8M3W 妍妍識得HELLO ( 揮手) (她懂拜拜咩意思, 只和陌生人拜拜,HELLO)

11/4/12 8M3W4D  妍妍叫疊音" BA BA" (不是因為叫爸爸的, 無意思)

6/4/12 開始晚晚練爬, 由扒到坐已好SMOOTH, 成日都要企.

復活節假, 高左!

12/4/12 尿片換M碼; 晚上睇布書, 見到我地笑佢又笑 ; 聽到人咳會笑.開心時會左擺右擺, 跪坐上下"UN"

3月尾開始可自己玩好耐.唔扭計.