旺角美而廉因舊區重建即將要結業，引來好多食客來幫襯,我同老公都襯未結業前來食一餐先。
我第一次食美而廉係在中四時，返深水步烙恩時，弟兄姊妹帶我去食。印象不錯，因為餐包係牛角包，好好味。不過旺角呢間第一次食，餐包唔係牛角包呀。
我地叫左一個什扒鐵板同埋一個串燒牛柳鐵板。
明顯地，串牛的牛好味好好好多喎。
黑椒汁好味過蒜蓉汁。
價錢都好合宜呀!
祢必將生命的道路指示我。 在祢面前有滿足的喜樂， 在祢右手中有永遠的福樂。 (詩篇16:11)
  |
 
|
2012年2月29日 星期三
慶祝結婚三週年活動之澳門環球美食次旅2天遊
渣打信用咭迎新換購禮物 ($299包2人來回TURBOJET及住宿皇都酒店一晚)
DAY 1 - - - 26/2/12(日)
早上放低妍妍在奶奶度，然後我地搭914去信德中心。在澳門茶餐廳食個靚早餐後就入閘喇，我地搭11AM船去澳門。今次係我地有左妍妍後，第一次2人世界呀，確在好難得，都好掛住妍妍架，不過一晚半晚:P。今次都係佢第一次在奶奶度過夜呀，唔知會點呢？
未到12PM就到達碼頭，我地先搭威尼斯人SHUTTLE BUS 去行下同埋PUMP MILK呀。之後搭的士($36)去路環的「里斯本地帶餐廳」，叫左蒜蓉炒蜆($96)、炸馬介休球($75)、肉眼扒($160)，全部都好味道，埋單$360。呢餐係全程最貴既一餐喇..嘻嘻。之後在附近行下，就去安德烈葡撻總店呀，每人叫了一個($8/EACH)，好味道，一D都唔滯呀！然後我地搭巴士25號去氹仔官也街(在銀河站下車過對面馬路就係)。先周圍逛逛，然後去興記食豬扒包、飲熱奶茶、熱好立克(TOTAL$34)，都OK啦。本來想去莫義記食大菜糕，但見佢要$15/杯就無食，駛唔駛咁貴呀，唔值。行行下見到有棉花糖($2超抵)，好懷念童年時在街市有個阿叔賣呢D一支支既棉花糖呀，而家真係好少見，即刻去買來食啦。然後去地堡街行，幫阿媽去日興堂買米果，味道還可以，不過唔係好脆，算係新口味手信啦。去沙度娜買左個榴槤木糠布甸($11)兩份食，好味道。跟住我地就去番頭先個站搭25號巴士返皇都，本來在水坑尾街落車，但因為有遊行，司機SKIP左個站，要行遠左路返酒店。間酒店其實都OK架，係有少少偏僻，但著名景點都在附近，步行就可以了。房間好乾淨同新淨呀，都好滿意呀。回到房間，又要PUMP MILK，PUMP完又再出發，步行去議士亭前地，途經荷蘭園去左禮記雪糕，點了芋頭味雪糕($9)好正呀，仲有懷舊既三文治雪糕($11)。由葡京那邊再行過去，不過D路唔同哂呀，都唔係好識行，最後當然到達目的地啦。老公話肚餓，我地先去食翅，原本計劃食譚記，但係見到添發(福隆街)好多人，老公話想試下，叫左一個花膠海參煲翅($85)同豪華碗仔翅($40)，好味道，再直行找到想食既三元粥，叫左魚片肉丸粥同魚片牛肉粥，真係好鮮味同足料呀，一D都唔貴，每碗$24。再食埋祥記蝦籽面($24)及雲吞面($20)。第一次食蝦籽面，都幾好味呀，D面係竹昇面，真係好味D喎，無梘水味。食完呢餐就真係飽喇，再步行去MGM行下，然後返酒店休息喇。
DAY 2 - - -27/2/12(一)
早上7點半起床，梳洗及PUMP MILK，然後去食早餐，本來想去永安咖啡室食，點知星期一休息，就去了附近一間叫渼味軒食，係帶有少少緬甸菜式架，我地叫左一個緬甸椰汁雞翼面(較清淡)及緬甸咖哩雞翼面(較濃味，不過好味)，加杯飲品，$26/餐。食完就去附近的松山公園行，本來想搭纜車，原來星期一休息架，唯有下次帶埋妍妍來才搭啦。呢個公園好大呀，都好多野睇，好舒服。我地上左燈塔，來咁多次澳門，都係第一次上來咋。仲有好多休閒設施，值得行下，離開澳門呢個人多車多既地方，上來吸收下清新空氣。行完就返酒店PUMP MILK同執行李CHECK OUT喇。再步行去大三巴及大炮台，來到呢邊，雖然係星期一，但依然係好多人呀。我地中午呢餐選擇掃街，買左炭燒胡椒餅($14)、煎釀茄子同青椒($10/8件，好好味)、潘榮記炭燒金錢餅($20)，食完呢D都飽左7成喇。仲有邊行邊試食杏仁餅、肉乾。食飽就去買手信喇，鉅記同埋葡京既腰果曲奇。來到最後一站就係去MGM食HIGH TEA，可以HEA下，途中都去左瑪加烈買左個葡撻食，不過都係安記好味好多呀。去到MGM，我同老公每人叫了一個SET($88包三文治、全選一件CAKE加$40以下飲品)，叫了德國黑椒牛肉麥包三文治同吞拿魚三文治，真係意外驚喜，好味道呀。仲伴左D自家製薯片，俾你一邊飲野一邊食，食完包我就PUMP MILK，之後食埋件CAKE，我叫左我至愛既CHOCOLATE CAKE，老公叫了蘋果朱古力甜餅，單售都係42/件，所以呢個SET好抵架。食完就搭番MGM既SHUTTLE 去碼頭，呢個旅程終於結束，返去繼續湊女喇，哈哈！
(小插曲：欲離開時，一站起身，件褸”HIGH”跌隻杯，爛左添@.@)
總結：
今次2個人去真係好開心呀，可以食到好多地道美食，所有都係我之前未食過架。澳門美食真係好味道，下次要再去食過呀！當然帶埋我地個寶貝女啦!
妍妍(7M1W5D)
妍妍就來出多四隻牙仔喇, 在上顎門牙同門牙兩側。
唔知係咪牙痕呢，成日咬野，係一隻小吉黎架。
!流口水都多左!
最近成日都靠住床邊, 望下望下, 相信好快佢會想爬落床(危險>.<)
頭髮都生長快左呀!
長肉左!
佢都坐得好好喇, 就來訓低左可以自己坐番起身呀!
而家暫時都係KEEP住食一餐粥仔, 今個星期整左三文魚粥仔呀!
奶奶話佢好鐘意食嬰兒米餅喎.
仲有,24/2 開始，每日都有大便, 應該係轉左固體食物，又唔同左，再唔係之前咁一星期才一次。
一痾時就喊，好似好辛苦咁呀。大便變左一舊舊了。(依然好臭 :P)
2012年2月22日 星期三
2012年2月18日 星期六
妍妍進度(6M-7M)
| 事 件 | 教學/活動 | 玩具 | 自理/發展 | 發音 | 第一次 | 生長 | 病 | ||
| 21/01/2012 | Day 188 | 頭髮長左好多 | 加入薯蓉 | ||||||
| 6M4D | |||||||||
| 23/01/2012 | Day 190 | 下顎門牙出左 | 出牙仔 | ||||||
| 24/01/2012 | Day 191 | 下顎門牙另一隻出左 | |||||||
| 識翻來翻去 | 識翻來翻去 | ||||||||
| 26/01/2012 | Day 192 | 返健康院打針 | 6.94KG | ||||||
| 識爬(用肚皮) | 識爬(用肚皮) | ||||||||
| 30/01/2012 | Day 197 | 南瓜蓉 | |||||||
| 01/02/2012 | Day 199 | 蕃薯蓉 | |||||||
| 04/02/2012 | Day 202 | 早上好用力叫"MA" | 蛋黃小半個 | ||||||
| 06/02/2012 | Day 204 | 留意到可將物件左手交右手 | |||||||
| 坐得穩左D | |||||||||
| 07/02/2012 | Day 205 | 菜心 | |||||||
| 10/02/2012 | Day 208 | 香蕉2匙 | |||||||
| 12/02/2012 | Day 210 | 節瓜 | |||||||
| 13/02/2012 | Day 211 | 晚上去海濱長廊散步 | 海濱長廊 | ||||||
| 14/02/2012 | Day 212 | 轉食粥仔+瘦肉 | 食粥仔 | ||||||
| 15/02/2012 | Day 213 | 食腳趾 | |||||||
| 16/02/2012 | Day 215 | QE覆診 | 7.41 KG | ||||||
| 68CM | |||||||||
| 41.5CM頭 | |||||||||
2012年2月15日 星期三
2012 Happy Valentine's Day
今年的情人節多左妍妍呀! 每年情人節都三個一齊過LU ...^^
今晚我要返學, 都去食餐好啦...去左始創和民食.食完就上課了.
這場有活動, 就係消費滿$200 , 一對情人就可以製作CUP CAKE喇. 我要趕住返學.呢個重任交左俾我老公呀.
2012年2月13日 星期一
妍妍最近的進度(6M3W5)
妍妍最近既進度:
上星期見佢可以將左手的東西交右手
星期六(11/2) 坐得好穩喇. 成日都想企.登直對腳
上星期的大便不像之前那樣, 有少少近乎大人咁.(唔知係咪食左固體食物呢)
2月1日 去左打HIB 3針喇. 呢支針應該唔多痛. 她只喊了幾秒.未出醫生房門口已經無喊喇.
6個月針在1月26日都打哂. 黎梗起碼一歲先再打針LU...
每晚眼訓(大約10點半開始), 就扭計要搵媽媽喇. 我就只好拿拿聲去沖涼呀!
我沖完涼就埋身餵, 邊食邊訓,大約12AM就訓著, 可以搬番佢落床仔呀!
有時早上6點多就醒左,呢排冬天好凍呀. 唔想起身. 佢見無人理佢就會自己玩下床邊的玩具架.
2月12日(星期日)返完崇拜, 在教會想"TUM" 她睡覺, 但"TUM" 左55MINS, 終於肯訓, 但...只訓了幾分鐘又醒.@.@
覺到媽媽好累呢! @.@
呢個妍妍真係一個掛住玩唔訓覺既豬豬囉.
BB 係要訓多D架.
2月11日(星期六) 去婆婆度食飯. 婆婆煲左粥仔. 妍妍第一次食粥粥喇. 食左小半碗.
6個月既妍妍.真係大個左好多. 好得意呀!
訂閱：
文章 (Atom)