表弟放暑假回來

 

表弟阿峰在英國回來, 我呀.舅父.阿姨都去我媽咪屋企食飯, 非常熱鬧!

表弟真係大個左好多呀. 佢去英國果時都係form 1, 幾年後既佢. 身型等於我兩個size! 勁!

表妹個女嵐嵐實在太得意了, 一點都不像女仔, 哈哈!

只是幾個月無見佢, 又大個左呀 ( 3歲了) , 識同人傾計喇!

仲識得鬧番媽咪轉頭添!

 

My Best Friend, Lok

老朋友阿lok 在25號由新加坡返來hk, 今天搵我食lunch, 食完lunch仲上左黎我事奉既church參觀添!

8月頭就返去, 老友, 明年再見啦!

 

希望你條腰骨早日康復啦!

May God Bless you Always!

Hody BB-日朗

今晚同mandy,cherry,kit man去左探hody 同bb喇!

BB 個樣好似Hody, 成日都訓 , 仲好鐘意訓響媽咪個懷抱裡添

願BB 在主的愛中及父母的愛中成長!

獨特訓覺姿勢

逐個抱下先 :)

衛太仲請我地食薑醋呀..好味道!

 

團契家聚

今日一班弟兄姊妹黎左我屋企團契呀!

好開心..仲有阿蕭(好似王喜 ) 啦.阿堅啦.同埋MELODY都黎到我地當中添!

我地開始就唱首詩歌,然後就每人問一條問題(在坐其中一個)

新婚既阿堅同埋蜜運既SOLOMON 就成為焦點啦!

正所謂未拍拖就問幾時拍, 拍左就問幾時結, 結左問幾時生..哈哈

晚上仲會掛8號風球, 所以6點多大家就走喇.

同子威,IRIS,SOLOMON食完晚飯後，　子威同SIMON就繼續打機!

(大家都有想過明早會打8號風球)

大家都唔好太放啦...! 明天仲要返崇拜架!

 

施房菜-京都肉排, 西芹雞柳

在百佳買西芹都幾平喎. 在街市買少少都好貴呀!

都唔知整咩餸好, 見屋企有d骨, 就煮京都肉排啦, 第一次整, 味道都可以!

仲有買左d莧菜(無影到), 幾蚊就有好多, 仲以為食唔哂添, 最後都清哂!

樓下華興外賣

樓下有間叫華興既刺生外賣店，d三文魚好新鮮呀! 仲有外賣飯盒添.

我地就試左呢2款:

魚生壽司飯

可惜佢俾左d熱既飯我地, 攪到d魚生都熟左d ;/

鰻魚飯

 

師傅...生日快樂 ^^

今天係師傅N歲生日! 願主的愛常在你裡面!

Happy Birthday !!

Dining Place: 銀杏館(佐敦)

SAM哥服務好好,仲幫我地切埋CAKE添!

讚美之泉

星期日晚同左興文,MIU, JASON 去聽讚美之泉 ( STAR HALL), 今次有驚喜呀, 估唔到我地係坐第二行, 仲係正中間, 好近呀, 第一次望清楚敬拜歌手的樣子, 男的好似歐錦棠呀!哈哈!

 

烙恩17周年^^

烙恩17周年了, 今年聚餐興文仲邀請到爸媽,婆婆同冬南兩個表弟添, 真係感恩呀!而我就邀請了我媽!

希望他們他日蒙主憐憫及揀選，返到主耶穌身邊啦!

 

地點: 理工李嘉誠樓14樓  聚賢樓

施房菜-鮮茄意粉, 烤雞翼

今天試下整意粉先, 沒有買罐頭茄醬, 只係買左幾個蕃茄同埋洋蔥煮姐, so far 係唔夠汁, 但都ok既

本身我唔太鐘意食太多汁既食物!

雞翼- 今次用微波燒烤爐烤, 都幾好味喎!

(相中是15分鐘, 乾身左d, 另外仲有碟10分鐘, 較juicy)

施房菜-雜錦窩煮魚尾

今次清清地, 買左魚尾+豆腐+芹菜+粉絲等等煮, 又有幾啖湯飲

白菜炒蟹籽丸牛丸

成日唔係煮雞肉就係豬肉, 有時真係唔知煮咩好呀 !!

 

 

施房菜-蒸蛋, 南瓜蒸排骨

Anne教過我蒸蛋既妙法, 以後蒸蛋就唔駛蒸到老哂喇!

小組家聚-Pun's Home

我地小組終於都第一次齊人, 去左PUN'S HOME 家聚, PUN 仲炮製了拿手小菜招呼我地添. PUN 既廚藝都好好呀! 作為女仔既我同MAY MAY都大讚PUN 係一個好老公啦.. 

是日菜式:

青紅蘿蔔煲豬骨湯

西蘭花炒鮮魷

蒸烏頭

雞翼

青椒洋蔥炒牛肉